ஓட்ஸ் பெப்பர் கோழிக்கறி மசாலா


தேவையான பொருட்கள்

கோழிக்கறி - 1/2 கிலோ
ஓட்ஸ் - 100 கிராம்
மிளகுதூள் - 1 டீஸ்பூன்
வெங்காயம் - 1 நறுக்கியது
தக்காளி - 1 நறுக்கியது
இஞ்சி பூண்டு விழுது - 11/2 டீஸ்பூன்
கறிவேப்பிலை - சிறிதளவு
கொத்தமல்லி இலை - சிறிதளவு
மஞ்சள்தூள் - 1 சிட்டிகை
உப்பு, எண்ணெய் - தேவைக்கேற்ப

செய்முறை

* கடாயில் எண்ணை ஊற்றி காய்ந்ததும், வெங்காயத்தை சேர்த்து பொன்னிறமாக வறுக்கவும். அதனுடன் இஞ்சி பூண்டு விழுதைச் சேர்க்கவும்.

* கறிவேப்பிலை, தக்காளி, மஞ்சள்தூள், மிளகுத்தூள், போதுமான உப்புசேர்க்கவும்.

* காரம் அதிகம் விரும்புபவர்கள் சிறிது கூடுதலாக மிளகுத்தூள் சேர்க்கலாம்.

* தக்காளி வெந்ததும் மசித்துவிட்டு, சிக்கனைச் சேர்க்கவும்.

* சிக்கன் வேகுமளவு சிறிதளவு மட்டும் நீர் விடவும். ஓட்சை லேசாக மிக்சியில் ஒரு சுற்று சுற்றி சிக்கன் வெந்ததும் சேர்க்கவும்.

* மசாலாவுடன் சிக்கனும் ஓட்சும் வெந்ததும் சிறிது கிரேவியாக இருக்கும் பொழுது சிக்கனை இறக்கி வைத்து கொத்தமல்லி இலை தூவி அலங்கரிக்கவும். சூடாகப் பரிமாறவும்.

அறுசுவை சமையல் உலகம்